மறைந்து விட்ட புரட்சி தலைவர் எம்.ஜி.ஆர் அவர்களுடைய ஒப்பற்ற உதவியாளராக, சரித்திரம் படைத்த சத்யா மூவிஸ் நிறுவனத்தின் சாதனை படைத்த தயாரிப்பாளராக, பல்வேறு காலகட்டங்களில் அரசியல் களத்தில் போராட்ட வீரராக, அண்ணா திமுகவின் முன்னாள் அரும்பெரும் செயலாளராக, முன்னாள் அமைச்சராக ஒய்வின்றி பணியாற்றிய ஆருயீர் அண்ணன் ஆர்.எம்.விரப்பன் அய்யா அவர்களின் மறைவு மனதிற்கு பெரும் வருத்தத்தை அளிக்கிறது.
அன்னாரின் ஆன்மா சாந்தி அடைய எல்லாம் வல்ல இறைவனை பிரார்த்திக்கிறேன்.
அவரை இழந்து வாடும் அவரது குடும்பத்தாருக்கும், அவரது கட்சி தொண்டர்களுக்கும் எனது ஆறுதலை கூறி கொள்கிறேன்.
இப்படிக்கு,
டி. ராஜேந்தர் M.A,
தலைவர், இலட்சிய திமுக,
தயாரிப்பாளர், இயக்குனர், விநியோகஸ்தர்
கௌரவ ஆலோசகர்,
தமிழ்நாடு திரைப்படத்தயாரிப்பாளர்கள் சங்கம்.
RMV அய்யாவின் நினைவுகள்
எனக்கு நினைவு தெரிந்த நாள் முதல் அப்பா(Muktha Srinivasan) அடிக்கடி சந்திக்கும் ஆலோசகர்
அவர் அறிஞர் அண்ணாவின் காரியதரிசியாக ஆரம்பத்தில் வேலை பார்த்தார்.
பின் புரட்சிதலைவர் கேட்டு கொண்டபடி அண்ணா அவர்கள் தன் காரியதரிசியை அவருக்கு உதவியாக அனுப்பினார் . அன்று முதல்”அவர் புரட்சி தலைவருக்கு பக்கபலமாக மூச்சு உள்ள வரை திரைத்துறை அரசியல் என பல விஷயங்களில் ஊன்று கோலாக திகழ்ந்தார்.
சிறந்த இலக்கியவாதி. சிறந்த கதாசிரியர் மற்றும் திரைக்கதை அமைப்பில் மிக திறமைசாளி. MGR படங்கள் வெற்றிக்கு இவர் பங்கு மிக பெரியது
தேவர் பிலிம்ஸ் போல
சத்யா மூவீஸ் கதை இலாகா.. மிக பிரபலம்
தமிழ் பேராசியர் நா. பாண்டுரங்கன்(New College) மா.வே லடக்ஷ்மணன், துரைராஜ், சுந்தரராஜன், கணக ஷன்முகம், ஜெகதீசன் இப்படி பல
மிக திறமையான கதாசிரியர்கள் பட்டாளம் திரைக்கதை விவாதங்களில் இருப்பார்.
80-90 களில் P.Vasu, Udhayakumar, KS Ravi kumar படங்களில் இவர்களில் பலர் கதை விவாதங்களில் பணிபுரிந்தார்கள்
MGR பிறகு ரஜினிகாந்த் கமலஹாசன் அவர்களுக்கு பல வெற்றிபடங்கள் RMV அய்யா தந்தார்
Sathya movies school of Making Cinema என்று தமிழ் திரையுலகம் வியந்த காலம் இருந்தது.
அப்படிபட்ட ஜாம்பவான் மறைவுக்கு
முக்தா ரவி மற்றும்
முக்தா பிலிம்ஸாரின்
இதய பூர்வ அஞ்சலி
திரு. R.M. வீரப்பன் அவர்களின் மறைவு – இரங்கல் செய்தி
அறநிலையத்துறையை ஆண்ட மனிதர். சதம் தொட்ட தனித்துவமானவரின் மறைவு ஆயிரக்கணக்கான ஆண்டுகள் ஒளிர்ந்து மறைந்த நட்சத்திரத்தின் ஆயுள் போன்றது. திராவிட இயக்கத்தின் முன்னோடிகளில் ஒருவரான திரு.ஆர்.எம். வீரப்பன் அவர்கள் மறைவுற்ற செய்தியறிந்து மிகவும் அதிர்ச்சியும், வருத்தமும் அடைந்தேன்.
திரு. எம்.ஜி.ஆர் அவர்களின் சத்யா மூவீஸ் நிறுவனத்தைத் திறம்பட நிர்வகித்து, எம்.ஜி.ஆர் தொடங்கி, ரஜினிகாந்த், கமல் ஹாசன், சத்யராஜ் என பல நட்சத்திரங்களுடன், தமிழ்த்திரையுலகிற்கு பல்வேறு வெற்றிப் படங்களைத் தந்து, சிறந்த தயாரிப்பாளராக, அவர் தலைமையில் பல ஆச்சரியங்களை நிகழ்த்திக் காட்டியது சத்யா மூவிஸ்.
அரசியல், திரைத்துறை, தமிழ்த்துறை என அனைத்துத் துறைகளிலும் சாதனை படைத்தவர் திரு.ஆர்.எம்.வீரப்பன் அவர்கள்.
ஒவ்வொரு நாளும் வேறொரு நாள் தான். நமக்கான நாளாக நாளை அமைய துளி கூட வாய்ப்பில்லை. ஆனாலும் நம்பிக்கை என்பது மட்டுமே நம்மை வாழச் சொல்கிறது. நாளை என்ற நம்பிக்கையை விதைத்துச் சென்ற தங்களின் வாழ்க்கையை முன் வைத்துக் கொள்கிறோம்.
நிகழ்வின் ஒவ்வொரு பொழுதிலும் எங்களை நினைவுபடுத்திய சத்யா மூவிஸைப் போல உங்களின் நினைவுகளும் நீடித்திருக்கும்.
வாழ்ந்திருங்கள் … எத்தனை வருடங்கள் கடந்தாலும்.
பாரதிராஜா
தலைவர்
தமிழ் திரைப்பட நடப்பு தயாரிப்பாளர்கள் சங்கம்