Home Political தமிழகத்தில் 10 மாவட்டங்களில் முழு ஊரடங்கு?

தமிழகத்தில் 10 மாவட்டங்களில் முழு ஊரடங்கு?

4 min read
0
0
100
Full curfew
23 / 100 SEO Score

தமிழகத்தில் கொரோனா பாதிப்பு அதிகமுள்ள ஆறு மாவட்டங்களின் ஆட்சியர்களுடன் தலைமைச் செயலாளர் ஆலோசனை நடத்த உள்ளார்.

கொரோனாவின் இரண்டாவது அலை இந்தியாவை இப்படி சுழன்று அடிக்கும் என யாரும் எதிர்பார்க்கவில்லை. உலகிலேயே மோசமான பாதிப்பை தினம் தினம் பதிவு செய்துவருகிறது. முதல் அலையின் போது இத்தாலி, அமெரிக்கா, ஈரான், இங்கிலாந்து என பல நாடுகள் அதிக பாதிப்பை சந்தித்தன. இந்தியாவிலும் பாதிப்பு பதிவானாலும் இங்குள்ள மக்கள் தொகை, அடர்த்தி ஆகியவற்றை பார்க்கும் போது பாதிப்பு இப்போது போல் இல்லை.

அண்டை நாடான பாகிஸ்தான் முதல் உலகநாடுகள் பல இந்தியாவுக்கு உதவ முன்வந்துள்ளன. இந்நிலையில் பாதிப்பை குறைப்பதற்காக என்னென்ன நடவடிக்கைகள் எடுக்கலாம் என மத்திய சுகாதாரத் துறை அதிகாரிகள் செவ்வாய்க் கிழமை ஆலோசனை நடத்தினர். அப்போது பாதிப்பு மிக அதிமுகள்ள 150 மாவட்டங்களில் முழு ஊரடங்கு அறிவிக்க வேண்டும் என மத்திய, மாநில அரசுகளுக்கு பரிந்துரை செய்ய முடிவெடுக்கப்பட்டது.

இந்தியாவில் மகாராஷ்டிரா, உத்தரபிரதேசம், கர்நாடகா, கேரளா, ராஜஸ்தான், குஜராத், சத்திஸ்கர், தமிழ்நாடு ஆகிய எட்டு மாநிலங்களில் ஒரு லட்சத்துக்கும் அதிகாமானோர் தற்போது கொரோனாவால் பாதிக்கப்பட்டு சிகிச்சை பெற்று வருகின்றனர். நாட்டின் ஒட்டுமொத்த பாதிப்பில் இந்த எட்டு மாநிலங்களில் மட்டும் 69 சதவீதம் பாதிப்பு பதிவாகியுள்ளது.

 

தமிழகத்தில் நேற்று மட்டும் 16 ஆயிரத்து 665 பேர் கொரோனாவால் பாதிக்கப்பட்டுள்ளனர். 98 பேர் சிகிச்சை பலனிறி உயிரிழந்தனர்.

மாநிலத்தில் அதிகபட்சமாக நேற்று சென்னையில் மட்டும் 4,764 பேர் பாதிக்கப்பட்டுள்ளனர். செங்கல்பட்டு, கோவை உள்ளிட்ட மாவட்டங்களிலும் பாதிப்பு அதிகமாக பதிவாகிவருகிறது.

இந்நிலையில் தமிழக தலைமைச் செயலாளர் ராஜீவ் ரஞ்சன் தமிழகத்தில் பாதிப்பு அதிகம் உள்ள மாவட்டங்களான காஞ்சிபுரம், திருவள்ளூர், செங்கல்பட்டு, ராணிப்பேட்டை, தேனி, திருப்பூர் ஆகிய ஆறு மாவட்டங்களின் ஆட்சியர்களுடன் இன்று காணொலி காட்சி மூலம் ஆலோசனை நடத்துகிறார்.

 

ஏற்கெனவே 150 மாவட்டங்களில் முழு ஊரடங்கு விதிக்க மத்திய சுகாதாரத் துறை வலியுறுத்தியுள்ள நிலையில் தலைமைச் செயலாளரும் ஆலோசனையில் ஈடுபட்டுள்ளதால் சென்னை உள்ளிட்ட 10 மாவட்டங்களில் முழு ஊரடங்கு விதிக்க அதிக வாய்ப்புள்ளதாக தகவல்கள் வெளியாகி வருகின்றன.

 

Load More Related Articles
Load More By admin
Load More In Political

Leave a Reply

Your email address will not be published. Required fields are marked *

Check Also

bill from inside the ballpark of two to four spots once more however this is initially hard to swallow but since you peer

bill from inside the ballpark of two to four spots once more however this is initially har…